Gələn il üçün DÖVLƏT BÜDCƏSİ 42 milyardı keçəcək

Azərbaycanın 2024-cü il üçün nəzərdə tutulan icmal büdcəsinin gəlirləri və xərcləri ilkin variantla müqayisədə 419,4 milyon manat artırılıb.

Xezerxeber.az bu barədə Maliyyə Nazirliyinə istinadən xəbər verir.

Qərara əsasən, icmal büdcənin gəlirləri ilə bağlı proqnoz 38 milyard 578,1 milyon manatdan 38 milyard 997,5 milyon manata, büdcənin xərcləri ilə bağlı proqnoz isə 41 milyard 956,8 milyon manatdan 42 milyard 376,2 milyon manata çatdırılıb. Son nəticədə büdcədə 3 milyard 378,7 milyon manat kəsir yaranmalıdır.