Azərbaycan - Avstriya matçının hakimləri müəyyənləşib

AVRO-2024-ün seçmə mərhələsində Bakıda Azərbaycan və Avstriya yığmaları arasında keçiriləcək oyunun hakimləri açıqlanıb.

Xezerxeber.az UEFA-nın rəsmi saytına istinadən xəbər verir ki, qarşılaşmanın baş hakimi yunanıstanlı Aristotelis Diamantopulos olacaq.

Ona həmyerliləri Konstantinos Psarris və Andreas Meintanas kömək edəcəklər. Anastasios Papapetru isə dördüncü hakim funksiyasını yerinə yetirəcək.

Qeyd edək ki, oktyabrın 16-da Tofiq Bəhramov adına Respublika stadionunda keçiriləcək oyun saat 20:00-da başlayacaq.