Çempionlar Liqasında qrup mərhələsinin püşkü atılıb

UEFA Çempionlar Liqasında 2023/2024-cü illər mövsümünün qrup mərhələsinin püşkatma mərasimi keçirilib.

Xezerxeber.az xəbər verir ki, Fransanın Monako şəhərində təşkil olunan tədbirdə 8 qrupun tərkibi müəyyənləşib.

Türkiyə çempionu "Qalatasaray" Almaniyanın "Bavariya", İngiltərənin "Mançester Yunayted" və Danimarkanın "Kopenhagen" klubları ilə birlikdə A qrupuna düşüb.

Çempionlar Liqası

Qrup mərhələsi

A qrupu: “Bavariya” (Almaniya), “Mançester Yunayted” (İngiltərə), “Kopenhagen” (Danimarka), “Qalatasaray” (Türkiyə).

B qrupu: “Sevilya” (İspaniya), “Arsenal” (İngiltərə), PSV (Niderland), “Lans” (Fransa).

C qrupu: “Napoli” (İtaliya), “Real” (İspaniya), “Braqa” (Portuqaliya), “Union” (Almaniya).

D qrupu: “Benfika” (Portuqaliya), “İnter” (İtaliya), “Zaltsburq” (Avstriya), “Real Sosyedad” (İspaniya).

E qrupu: “Feyenoord” (Niderland), “Atletiko” (İspaniya), “Latsio” (İtaliya), “Seltik” (Şotlandiya).

F qrupu: PSJ (Fransa), “Borussiya” (Dortmund, Almaniya), “Milan” (İtaliya), “Nyukasl” (İngiltərə).

G qrupu: “Mançester Siti” (İngiltərə), “Leyptsiq” (Almaniya), “Srvena Zvezda” (Serbiya), “Yanq Boyz” (İsveçrə).

H qrupu: “Barselona” (İspaniya), “Portu” (Portuqaliya), “Şaxtyor” (Donetsk, Ukrayna), “Antverpen” (Belçika).

Qeyd edək ki, qrup mərhələsinin oyunlarına sentyabrın 19-da start veriləcək.