Bakıda bu il yol qəzalarında 25 nəfər ölüb

Bakıda bu il iki ay ərzində 62 yol-nəqliyyat hadisəsi baş verib.

Xezerxeber.az xəbər verir ki, bu barədə Bakı şəhər Dövlət Yol Polisi İdarəsindən bildirilib. 

Bildirilib ki, cari ilin yanvar və fevral aylarında ölüm və xəsarətlə nəticələnən yol-nəqliyyat hadisələrinin sayı 62 fakt, qəza nəticəsində ölənlərin sayı 25 nəfər, xəsarət alanların sayı isə 46 nəfər olub.

Ötən ilin müvafiq ayları ilə müqayisədə qəzaların sayı 3 fakt (4,6 faiz), ölənlərin sayı 7 nəfər (21,9 faiz), xəsarət alanların sayı isə 8 nəfər (14,8 faiz) azalıb.