Hacıqabulda qəza olub, 3 nəfər xəsarət alıb

Hacıqabulda baş verən qəzada 3 nəfər xəsarət alıb.

Xezerxeber.az-ın məlumatına görə, hadisə saat 5 radələrində Bakı-Qazax magistralının Hacıqabul rayonunun Nəvahi kəndi ərazisindən keçən hissəsində qeydə alınıb.

Minik avtomobilinin qəzaya uğraması nəticəsində Bakı sakinləri, 1993-cü il təvəllüdlü Abdulmanafova Həcər Zakir qızı, 1987-ci il təvəllüdlü Ağayev Elşad Səfər oğlu və Goranboy sakini, 1987-ci il təvəllüdlü Abbasov Musa Çingiz oğlu müxtəlif dərəcəli xəsarətlərlə Şirvan mərkəzi xəstəxanasına yerləşdirilib.

Faktla bağlı araşdırma aparılır.