Biləsuvarda dağıntılar altından cəsədi çıxarılanın kimliyi açıqlanıb

Xəbər verdiyimiz kimi, Biləsuvarda baş vermiş partlayışla bağlı aparılmış axtarış-xilasetmə işləri nəticəsində 1 nəfərin meyiti dağıntılar altından aşkar edilib.

"Bu, 1988-ci il təvəllüdlü Günay Əliyevadır" 

Rayon prokurorluğundan bildirilib ki, bundan öncə Günay Əliyevanın iki övladı yaralı halda xilas edilərək xəstəxanaya yerləşdirilib.

Hazırda onların müalicəsi davam edir.

Beləliklə də, faktla bağlı Biləsuvar Rayon Prokurorluğunda Cinayət Məcəlləsinin 314.2-ci (ağır nəticələrə səbəb olan səhlənkarlıq) maddəsi ilə başlanmış cinayət işinin ibtidai istintaqı davam etdirilir.