Azərbaycan və Slovakiya xarici işlər nazirləri Maltada görüşüb

Azərbaycan xarici işlər naziri Ceyhun Bayramov Slovakiya Respublikasının xarici işlər və Avropa məsələləri üzrə naziri Yuray Blanar ilə görüşüb.

Xezerxeber.az xəbər verir ki, bu barədə XİN məlumat yayıb.

Görüş Maltada Avropada Təhlükəsizlik və Əməkdaşlıq Təşkilatının (ATƏT) Xarici İşlər Nazirləri Şurasının 31-ci iclası çərçivəsində baş tutub. 

Tərəflər iki ölkə arasında strateji tərəfdaşlıqdan məmnunluqlarını bildirərək, ikitərəfli və çoxtərəfli əlaqələri daha da dərinləşdirmə yollarını müzakirə ediblər.

Münaqişə sonrası regional bərpa və sülh səyləri, eləcə də mina təmizləmə fəaliyyəti də müzakirə olunub.