Azərbaycanın Ermənistanla şərti sərhədində müasir istehkam qurğularının qurulması təklif olunur

Ermənistanla uzunluğu 500 km olan şərti sərhəd mürəkkəb relyefli ərazidən keçir və sərhəd xəttini möhkəmləndirmək üçün müasir istehkam qurğularının qurulmasına ehtiyac var.

Xezerxeber.az xəbər verir ki, bunu Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev parlamentdə gələn ilin büdcə zərfinin müzakirəsi zamanı deyib.

Onun sözlərinə görə, əsasən yüksəkliklərdə hərbi xidmət keçmək üçün yeni komandolar, hərbi birləşmələrin yaradılması, xüsusi xidmət və hüquq-mühafizə orqanlarının ən müasir texnika, texnologiya ilə təmin olunması davam etdirilməlidir.