Fövqəladə Hallar Nazirliyi gücləndirilmiş iş rejiminə keçib

Fövqəladə Hallar Nazirliyi Zəfər Günü və Dövlət Bayrağı Günü, Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası – COP29 ilə əlaqədar gücləndirilmiş iş rejiminə keçib.

Nazirlikdən Xezerxeber.az-a bildirilib ki, fövqəladə hallar naziri general-polkovnik Kəmaləddin Heydərovun imzaladığı əmrə əsasən, əhalinin, eyni zamanda, qonaqların həyat və fəaliyyətinin təhlükəsizliyinin təmin edilməsi, insanların daha çox toplaşdığı məkanlarda, mühüm əhəmiyyətli obyektlərdə baş verə biləcək fövqəladə hadisələrə çevik reaksiya verilməsi məqsədilə nazirliyin aidiyyəti struktur bölmə və qurumlarına müvafiq tapşırıqlar verilib.