Pakistan Azərbaycanla enerji və müdafiə sahələrində əlaqələri DƏRİNLƏŞDİRİR

Azərbaycan və Pakistanı bir-birinə ortaq mədəni və bəşəri əlaqələr bağlayır. Bu əlaqələr qardaş Azərbaycanla əməkdaşlığımız üçün güclü baza yaradır.

Xezerxeber.az xəbər verir ki, bu barədə Pakistanın xarici işlər naziri Məhəmməd İshaq Dar İslamabadda azərbaycanlı həmkarı ilə birgə mətbuat konfransında deyib.

Nazir bildirib ki, bu gün baş tutan görüşdə Azərbaycan və Pakistan arasında münasibətlərin bütün aspektləri müzakirə olunub:

“Biz ticarət, investisiya, əlaqələnmə, enerji və müdafiə sahələrində əlaqələrimizi daha da dərinləşdirəcəyik. Biz enerji sektorunda qarşılıqlı investisiyaların artması üçün addımlar atmaqdayıq. Enerji sahəsində birgə işçi qrupunun fəaliyyəti bu sahədə əməkdaşlığımız üçün vacibdir”.

Xarici işlər naziri qeyd edib ki, onun ölkəsi Azərbaycanla parlamentlərarası əlaqələrin daha da inkişafına çalışacaq”.