"Şəhid adının əbədiləşdirilməsi və şəhid ailələrinə edilən güzəştlər haqqında" yeni qanun layihəsinin yaxın zamanlarda parlamentə daxil olması planlaşdırılır.
Xezerxeber.az-ın xəbərinə görə, bunu Milli Məclis Aparatının Sosial qanunvericilik şöbəsinin müdiri Adil Vəliyev deyib.
"Şəhid adının əbədiləşdirilməsi və şəhid ailələrinə edilən güzəştlər haqqında" qanun ən uzunömürlü qanunlardan biridir", - o qeyd edib.
O bildirib ki, bu qanun 1993-cü ildə Ulu Öndərin dövründə qəbul edilib:
“Milli Məclisə yaxın zamanlarda bununla bağlı yeni qanun layihəsi daxil olacaq. Yeni qanunda bütün məsələlər cəmləşəcək”.