Türkiyə kəşfiyyat xidmətinin başçısı Vaşinqtonda Cənubi Qafqazda vəziyyəti də müzakirə edəcək

Milli Kəşfiyyat Təşkilatının (MİT) başçısı İbrahim Kalın Birləşmiş Ştatların paytaxtı Vaşinqtona səfərə yola düşüb. O, Ağ Evin, Konqresin və ABŞ Dövlət Departamentinin nümayəndələri ilə bir sıra görüşlər keçirəcək.

Xezerxeber.az Türkiyə mediasına istinadla xəbər verir ki, aparılacaq danışıqların gündəliyində ikitərəfli münasibətlərin inkişafı mövzusu ilə yanaşı, terror təşkilatlarına qarşı mübarizə, İraq və Suriyadakı vəziyyət, həmçinin Yaxın Şərq regionunda gərginliyin artması da olacaq.

Bundan başqa, danışıqlarda Ukraynadakı müharibəyə və Cənubi Qafqazda gedən proseslərə də xüsusi diqqət yetiriləcək.