Arayik Harutyunyan Cinayət Məcəlləsinin bu maddələri ilə ittiham edilir

Qondarma “Dağlıq Qarabağ Respublikasının prezidenti” olmuş Arayik Harutyunyanın hansı cinayətlərdə ittiham olunduğu məlum olub.

Xezerxeber.az xəbər verir ki, bu barədə Azərbaycan Respublikasının Baş Prokurorluğu və Dövlət Təhlükəsizliyi Xidmətinin birgə məlumatında qeyd olunub. 

Bildirilib ki, cari il oktyabrın 3-də Arayik Harutyunyan Dövlət Təhlükəsizliyi Xidməti tərəfindən Xankəndi şəhərində saxlanılıb, ona Cinayət Məcəlləsinin 100, 116, 117, 120, 214, 214-1, 214-3, 218, 279-cu və digər maddələri ilə ittiham elan edilib.

Hazırda Baş Prokurorluq və Dövlət Təhlükəsizliyi Xidməti tərəfindən zəruri və təxirəsalınmaz istintaq-əməliyyat tədbirləri davam etdirilir.