Xoşbəxt Yusifzadə DƏFN EDİLDİ YENİLƏNİB-2

Ötən gün vəfat edən Azərbaycan Dövlət Neft Şirkətinin (SOCAR) birinci vitse-prezidenti, akademik Xoşbəxt Yusifzadə dəfn olunub.

Xezerxeber.az xəbər verir ki, mərhumun nəşi Fəxri xiyabana gətirilib və torpağa tapşırılıb.

13:30

SOCAR-ın birinci vitse-prezidenti, neftçi-alim, geoloq, akademik Xoşbəxt Yusifzadə ilə vida mərasimi başa çatıb.

Azərbaycan Milli Elmlər Akademiyası Rəyasət Heyətinin binasında keçirilən vida mərasimində mərhumun ailəsi, yaxınları ilə yanaşı, Baş nazir Əli Əsədov və müavinləri, həmçinin bir sıra dövlət və hökumət nümayəndələri, Milli Məclisin deputatları və media mənsubları iştirak edib.

12:28

SOCAR-ın birinci vitse-prezidenti, neftçi-alim, geoloq, akademik Xoşbəxt Yusifzadə ilə vida mərasimi keçirilir.

Xezerxeber.az xəbər verir ki, mərasim Azərbaycan Milli Elmlər Akademiyası Rəyasət Heyətinin binasında keçirilir.

Ötən gecə vəfat edən geoloq bu gün Birinci Fəxri xiyabanda dəfn olunacaq.