Şimali Koreya ballistik raket buraxıb

Şimali Koreya şərq suları istiqamətində ortamənzilli ballistik raket buraxıb.

Xezerxeber.az xəbər verir ki, bu barədə Cənubi Koreya silahlı qüvvələri açıqlama yayıb. Bu, Koreya Xalq Demokratik Respublikasının (KXDR) 2025-ci ildə ilk raket sınağıdır. Raketin buraxılışı yerli vaxtla saat 12:00 radələrində baş tutub.

Raket buraxılışından sonra Cənubi Koreyanın silahlı qüvvələri müşahidələrini gücləndirib.

Qeyd edək ki, Şimali Koreyanın raket buraxılışı ABŞ dövlət katibi Antoni Blinkenin Seula gözlənilən səfəri ərəfəsində baş verir.