ABŞ səhvən öz qırıcı təyyarəsini vurub

ABŞ Hərbi Dəniz Qüvvələrinə məxsus F/A-18 qırıcısı Qırmızı dəniz üzərində vurulub.

Xezerxeber.az xəbər verir ki, bu barədə yerli KİV məlumat yayıb.

Məlumata görə, Amerika raket kreyserinin hava hücumundan müdafiə sistemi səhvən ABŞ Hərbi Dəniz Qüvvələrinə məxsus F/A-18 iki yerlik qırıcısını vurub.

ABŞ Mərkəzi Komandanlığının hadisə ilə bağlı yaydığı bəyanatda bildirilib ki, pilotlar suya düşüb. Onlar xilas edilib, biri yüngül xəsarət alıb.

Agentlik qeyd edib ki, qırıcı ABŞ-nin Yəmən husilərinin hədəflərinə endirdiyi zərbələr zamanı vurulub.