Adılbek Kasımaliyev Qırğızıstanın Baş naziri təyin edilib

Qırğızıstan Prezidenti Sadır Japarov Adılbek Kasımaliyevi Nazirlər Kabinetinin sədri və prezident administrasiyasının rəhbəri təyin edilməsi haqqında fərman imzalayıb.

Xezerxeber.az xəbər verir ki, bu barədə Qırğızıstan mediası məlumat yayıb.

Daha əvvəl parlament A.Kasımaliyevin təyinatını yekdilliklə təsdiqləmişdi.

O, yeni nazirlər təyin etməyi planlaşdırmadığını deyib.

Bundan başqa, A.Kasımaliyev bəzi məsələlər, o cümlədən nəzarət-kassa aparatları, elektron əmtəə-nəqliyyat qaimələrinin tətbiqi və yanacaq-sürtkü materiallarının markalanması prosedurlarının sadələşdirilməsi mümkünlüyünün nəzərdən keçirilməsi üçün işçi komissiyanın yaradılacağını bildirib.

Ölkə prezidenti həmçinin Daniyar Amangeldiyevin Nazirlər Kabinetinin birinci müavini, Bakıt Sıdıkovun isə iqtisadiyyat və ticarət naziri təyin edilməsi haqqında fərmanlar imzalayıb.