Orban Trampı qələbə münasibətilə təbrik edib

ABŞ seçkilərini diqqətlə izləyən Macarıstanın Baş naziri Viktor Orban öz tərcihini açıqlayıb və Respublikaçıların namizədi Donald Trampın “gözəl qələbəsinin” gözlənilən olduğunu bildirib.

Xezerxeber.az xəbər verir ki, Macarıstan hökumətinin başçısı özünün “X” sosial şəbəkəsindəki səhifəsində bununla bağlı paylaşım edib.

O yazıb: “Sabahın xeyir, Macarıstan. Gözəl qələbəyə doğru”. Orbanın bu paylaşımında onun televizorun qarşısında oturması və seçkilərin ilkin nəticələrini, səslərin sayılması prosesini izləməsini göstərən fotoşəkil də var.

Görünən odur ki, Orbanın mesajı həm də Macarıstana və şəxsən onun özünə qarşı təzyiqləri artıran Brüsseldəki siyasi fiqurlara ünvanlanıb.

Bu material hazırlanan məqamda məlum oldu ki, Viktor Orban artıq Donald Trampı seçkilərdə qələbə qazanması münasibətilə təbrik edib.