Tramp 270 seçici həddini keçib - "Tayı-bərabəri olmayan qələbə qazandıq"

ABŞ-də Respublikaçılar Partiyasından prezidentliyə namizəd Donald Tramp 277 seçicinin dəstəyini alaraq 270 seçici səs həddini keçib. Bu da onun seçkilərdə qələbə qazandığını göstərir.

Xezerxeber.az xəbər verir ki, bu barədə “Fox News” telekanalı məlumat yayıb.

Nümayəndələr Palatasının sədri Ceyms Conson Trampın ABŞ-nin seçilmiş prezidenti olduğunu açıqlayıb.

80 milyondan çox amerikalı erkən səs (şəxsən və ya poçtla) verib. Məlumata görə, 41% demokrat, 39% isə respublikaçı kimi qeydiyyatdan keçib.

Kamala Harris səsini poçtla göndərib, Doland Trump isə həyat yoldaşı ilə birlikdə Floridada səs verib. 

Bu arada, Donald Tramp seçkilərdən sonra seçicilərinə xitabında deyib.

“47-ci Prezidentinizi seçdiyiniz üçün sizə təşəkkür edirəm”, - deyən Tramp tayı-bərabəri olmayan qələbə qazandığını bəyan edib. Tramp bütün problemləri həll edəcəyinə də söz verib.

ABŞ üçün "qızıl əsr" vəd edən Donald Tramp Senata nəzarəti bərpa etdiklərini vurğulayıb.