İsveç məktəblərində problemli şagirdlərə distant təhsil təklif olunur

İsveçdə iki məktəb dərslərə gedə bilməyən şagirdlərə distant təhsil təklif edir.

Höteborq və Upsalada tətbiq edilmiş yenilik sosial, psixoloji və ya tibbi səbəblərdən məktəbə gedə bilməyən uşaqlar üçün təhsilin təmin edilməsini nəzərdə tutur.

“Məktəb yeniyetmələrin toplaşdığı olduqca sosial mühitdir. Lakin bu, hər kəs üçün optimal deyil”, - deyə Höteborqdakı Eliseum məktəbinin direktoru Anders Vallin izah edir.

Distant təhsilə son çarə kimi baxılır. İsveç Milli Təhsil Agentliyinə görə, tələbənin bu təhsil formasına çıxış əldə etməsi üçün bütün digər dəstək formaları tükənmiş və ya qəbuledilməz hesab edilməlidir.

Valideynlər müəllimlər kimi böyük ümid bəsləyirlər ki, distant təhsil uşaqlara təhsil prosesində geri qalmamağa və bəlkə də nəhayət, əyani təhsilə və idman kimi digər məşğuliyyətlərə qayıtmağa kömək edəcək.

Lakin, bəzi valideynlər məktəblərin ətraf mühitin yaxşılaşdırılması və bütün şagirdlərin təhsil prosesinə cəlb olunması ilə bağlı iş görülməli olduğunu deyərək, məsələyə şübhə ilə yanaşırlar.

Məktəblər ətraf rayonlardan şagirdləri qəbul edir və hazırda Höteborq məktəbindən 14, Upsaladan isə 11 şagird distant təhsil alır. Məktəblər ölkənin müxtəlif bölgələrindən uşaqları qəbul edərək şagirdlərin sayını 40-a çatdırmaq niyyətindədir. (AZƏRTAC)