Ukrayna raket və PUA istehsalını artıracaq

Yaxın vaxtlarda Ukraynada raket və PUA-ların istehsalı əhəmiyyətli dərəcədə artırılacaq. Bu məqsədlə əlavə vəsait ayrılması barədə qərar verilib.

Xezerxeber.az-ın xəbərinə görə, bunu Ukrayna Prezidenti Volodimir Zelenski öz “Telegram” səhifəsində yazıb.

Ukrayna lideri həmçinin, bir qədər əvvəl güc strukturlarının rəhbərləri ilə görüşdə cəbhə xəttindəki vəziyyətin müzakirə olunduğunu yazıb.

O həmçinin, ordunun Baş Qərargah rəisi Aleksandr Sırskinin döyüşləri bilavasitə hərbi əməliyyat rayonundakı məntəqədən idarə etdiyini sözlərinə əlavə edib

V. Zelenski vurğulayıb ki, müdafiə naziri Rustem Umerovun məruzəsinə əsasən, əlavə briqadaların təchizatı ilə bağlı məsələlər tərəfdaşlarla müzakirə olunur.