ABŞ Yaxın Şərqdəki qoşunlarını qorumaq üçün tədbirlər görəcək

Birləşmiş Ştatlar Amerika hərbçilərinə hücumlarla əlaqədar öz qoşunlarının təhlükəsizliyini təmin etmək üçün tədbirlər görəcək.

Xezerxeber.az xarici mediaya istinadən xəbər verir ki, bunu Pentaqon rəhbəri Lloyd Ostin bildirib.

“İranın dəstəklədiyi qüvvələr ABŞ hərbi personalına qarşı davam edən hücumlara görə məsuliyyət daşıyır və biz ABŞ-ni və qüvvələrimizi lazımi vaxtda və lazımi şəkildə qorumaq üçün ciddi addımları atacağıq. ABŞ Yaxın Şərqdəki qüvvələrinə hücumlara dözməyəcək və hərəkətə keçəcək”, - dedi müdafiə rəisi bildirib.

Qeyd edək ki, yanvarın 28-də Suriya və İordaniya sərhədindəki ABŞ hərbi bazasına pilotsuz təyyarənin hücumu nəticəsində 3 amerikalı hərbçi ölüb, 20-dən çox əsgər yaralanıb.