Simonyan Ermənistanda anti-Rusiya əhval-ruhiyyəsinin olmadığını DEYİB

Rusiya ilə hərbi-texniki əməkdaşlıq sahəsində yeni sazişlər bağlana bilər.

Xezerxeber.az xəbər verir ki, bunu bu gün Ermənistan parlamentinin spikeri Alen Simonyan deyib.

“Mən bunu istisna etmirəm”, - Simonyan Rusiyanın Ermənistandakı səfiri Sergey Kopırkinin TASS-a müsahibəsində yeni hərbi-texniki əməkdaşlıq layihələri ilə bağlı bəyanatına münasibət bildirərkən deyib.

Erməni spiker eyni zamanda, Ermənistan-Rusiya münasibətlərinə toxunub.

“Ermənistanda anti-Rusiya əhval-ruhiyyəsi yoxdur. Həyata keçirilən siyasətə (red. – Ermənistan rəhbərliyi tərəfindən) və atılan addımlara qarşı antipatiya var. Mən sizdən xahiş edirəm ki, bundan anti-Rusiya fonu yaratmayasınız”, - Simonyan bir sıra media qurumlarını anti-Rusiya ritorikasını qızışdırmaqda ittiham edib.