Blinken: İsrail yerüstü əməliyyata başlayıb - başlamamağa özü qərar verməlidir

İsrail Qəzza zolağında yerüstü əməliyyata başlayıb-başlamamağa müstəqil qərar verməlidir. Vaşinqton yalnız məsləhət verə bilər.

Xezerxeber.az xəbər verir ki, ABŞ-nin dövlət katibi Antoni Blinken bunu NBC telekanalında bildirib.

“Bu, İsrailin özünün verməli olduğu qərardır. Biz yalnız məsləhət verə bilərik”, - deyən Blinken, ABŞ-ni İsraillə mütəmadi olaraq əlaqə saxladığını vurğulayıb. Eyni zamanda, dövlət katibi əlavə edib ki, “İsrailin özünü müdafiə etmək təkcə haqqı deyil, həm də öhdəliyi olsa da, Qəzzada insanlar humanitar yardım almalı və mülki şəxslər qorunmalıdır”.