ABŞ kəşfiyyatının İsrailə hücum ediləcəyindən xəbəri olub?

ABŞ kəşfiyyatı HƏMAS yaraqlılarının oktyabrın 7-də Qəzza zolağından İsrailə hücumundan bir neçə həftə əvvəl ABŞ Administrasiyasına Fələstin-İsrail münaqişəsinin mümkün gərginləşməsi barədə xəbərdarlıq edib.

Xezerxeber.az TASS agentliyinə istinadla bildirir ki, bu barədə CNN məlumat yayıb.

Qeyd edilib ki, ABŞ Prezidenti Co Baydenin Administrasiyası vəziyyətin qiymətləndirilməsinə dair ən azı iki hesabat alıb və onlar da İsrail tərəfdən alınan kəşfiyyat məlumatlarına əsaslanıb.

Vurğulanıb ki, xüsusilə sentyabrın 28-də HƏMAS-ın İsraillə sərhəddə raket hücumları həyata keçirməyi planlaşdırdığı xəbəri yayılıb. Oktyabrın 5-də ABŞ Mərkəzi Kəşfiyyat İdarəsi HƏMAS tərəfindən zorakılıq ehtimalının artdığını bildirib. Oktyabrın 6-da ABŞ rəsmiləri arasında “HƏMAS tərəfindən qeyri-adi fəallığın artması haqqında” İsrail tərəfdən məlumatlar gəzib ki, bu da hücumun qaçılmaz olduğunu göstərirdi.