Priqojinin təyyarəsi qəzaya düşməzdən əvvəl nələr olub?

Sərnişinləri arasında “Vaqner”in rəhbəri Yevgeni Priqojinin də olduğu “Embraer” təyyarəsi Rusiyanın Tver vilayətində qəzaya düşməzdən əvvəl qısa müddət ərzində bir neçə dəfə hündürlüyə qalxıb və enib.

Xezerxeber.az TASS-a istinadən xəbər verir ki, bu barədə “Flightradar” xidmətinin hesabatında deyilir.

“Flightradar” ən son məlumatları təyyarə təxminən 6 km hündürlükdə olarkən alıb. Bütün bu dəyişikliklər 32 saniyə ərzində baş verib.

Qeyd edək ki, avqustun 23-də Moskvadan Sankt-Peterburqa uçan təyyarənin Tver yaxınlığında qəzaya uğraması nəticəsində Priqojin də daxil olmaqla 10 nəfər həlak olub. Onlardan 3-ü ekipaj üzvü olub.