Təyyarə qəzasından 17 gün sonra dörd uşaq sağ tapılıb

Kolumbiyanın cənubunda Kaketa əyalətində qəzaya uğrayaraq cəngəlliyə düşən təyyarənin dörd uşaq sərnişini 17 gün sonra sağ tapılıb.

“The Guardian” qəzeti yazır ki, uşaqları cəngəllikdə xilasedicilər qrupu aşkarlayıb.

Mayın 1-də səhər saatlarında Ararakuaradan San-Hose-del-Quavyare şəhərinə yeddi sərnişin aparan “Cessna 206” təyyarəsi mühərrikinin sıradan çıxması səbəbindən cəngəlliyə qəza enişi edib. Nəticədə pilot da daxil olmaqla, üç nəfər ölüb, 13, 9 və 4 yaşındakı uşaqlar, həmçinin 11 aylıq körpə sağ qalıb. Uşaqlar təyyarədən çıxaraq kömək axtarmağa gediblər. Axtarış işlərinə Kolumbiya Hərbi Hava Qüvvələrinin təyyarələri və helikopterləri cəlb olunub.

Xilasedicilər uşaqların yediyi meyvə qalıqlarının və bitkilərdən düzəltdiyi sığınacaqların izi ilə gedərək onları tapıb. Dörd uşağın 17 gün boyunca həyatda necə qalmasının detalları açıqlanmayıb.