Körfəz ölkələri vahid viza zonası yaradırlar

Körfəz Ərəb Dövlətləri üzrə Əməkdaşlıq Şurasının üzvü olan Səudiyyə Ərəbistanı, Birləşmiş Ərəb Əmirliyi, Qətər, Bəhreyn, Küveyt və Oman Şengen zonası modelində vahid viza zonasının yaradılmasını müzakirə edirlər.

Xezerxeber.az xəbər verir ki, bu barədə çərşənbə günü “Arabian Business” məlumat yayıb.

“Körfəzi ölkələrinə səyahətin mövcudluğu turizm sənayesinin inkişafına müsbət təsir edəcək və səyahətçi sərhədləri keçərkən məhdudiyyətlərlə üzləşməyəcək", - deyə məlumatda qeyd olunur.

“Arabian Business” bildirir ki, turist axınının birgə idarə olunması üzrə ilk razılıq Qətərdə keçirilən Dünya Kuboku zamanı əldə edilib.