Zelenski: Ukrayna dövləti Kremlə heç bir hücum təşkil etməyib

Ukrayna dövləti Kremlə qarşı heç bir hücum təşkil etməyib. Ukrayna dövləti silahdan öz ərazisini qorumaq üçün istifadə edir.

Xezerxeber.az xəbər verir ki, bu sözləri Ukrayna Prezidenti Volodimir Zelenski mətbuat konfransında söyləyib.

"Mən bu mesajı təkrarlaya bilərəm, düşünürəm ki, bu, hamıya aydın olacaq: biz nə Putinə, nə də Moskvaya hücum etmirik", - deyə Zelenski vurğulayıb.

V.Zelenski bildirib ki, Ukrayna öz ərazisini, kənd və şəhərlərini qoruyur. Eyni zamanda, Ukraynanın, hətta bu ehtiyaclar üçün kifayət qədər silahı yoxdur.

Xatırladaq ki, bu gün Rusiyada Ukraynanın dronların köməyi ilə Kremlə hücum edildiyinə dair ittihamlar səsləndirilib.