MİT İŞİD liderini necə zərərsizləşdirdiyini açıqladı DETALLAR

Türkiyənin Milli Kəşfiyyat Təşkilatı (MİT) İŞİD liderinin zərərsizləşdirilməsinə dair əməliyyatın təfərrüatını açıqlanıb.

Xezerxeber.az yerli mediaya istinadən xəbər verir ki, bu barədə Təşkilatdan verilən açıqlamada deyilir. 

Qeyd olunub ki, İŞİD-in “yeni xəlifəsi” adlandırılan Əbu Hüseyn əl-Hüseyni əl- Qureyşi kod adlı terrorçu Suriyanın şimalında 29 aprel 2023-cü ildə 4 saatlıq əməliyyat çərçivəsində zərərsizləşdirilib.

Onun bir evin altında yerləşən bunkerdə gizləndiyi məlum olub.

"Əl-Qureyşi kəşfiyyat əməkdaşlarının “təslim ol” çağırışına əməl etməyərək, özünü intihar kəməri ilə partladıb."

Əbu Hüseyn əl-Hüseyni əl-Qureyşi 30 noyabr 2022-ci ildə İŞİD-in əvvəlki lideri Əbu Həsən əl-Qureyşinin öldürülməsindən sonra “yeni xəlifə” elan edilib.