Çexiya və Slovakiya prezidentləri Kiyevə səfər ediblər

Çexiya və Slovakiya prezidentləri Petr Pavel və Zuzana Çaputova aprelin 28-də Kiyevə səfər ediblər.

Xezerxeber.az xəbər verir ki, bu barədə "blesk.cz" xəbər portalı məlumat yayıb.

Məlumata görə, hər iki dövlətin başçıları Ukrayna Prezidenti Volodimir Zelenski və onun hökumətinin rəhbərləri ilə görüşəcəklər. Birgə səfərə hazırlıq bu ilin yanvarında Petr Pavelin Çexiya prezidenti seçilməsindən dərhal sonra başlayıb. Təhlükəsizlik nöqteyi-nəzərindən səfərin vaxtı əvvəlcədən açıqlanmayıb.

Çexiya və Slovakiya Ukraynaya hərtərəfli yardım göstərirlər. Prezidentlərin bu səfərinin əsas məqsədi Kiyevə bir daha dəstək ifadə etməkdir.