Türkiyədə zəlzələdə ölənlərin sayı 284-ə çatıb, 2323 nəfər yaralanıb YENİLƏNİB

Türkiyədə baş verən güclü zəlzələdə nəticəsində ölənlərin sayı artır.

Xezerxeber.az xəbər verir ki, Türkiyənin vitse-prezidenti Fuad Oktay yeraltı təkanlar nəticəsində ölənlərin sayının 284-ə çatdığını açıqlayıb.

O, 2323 nəfərin yaralandığını, 1710 binanın dağıldığını deyib.

09:02

Türkiyədə baş verən zəlzələ nəticəsində 76 nəfər həyatını itirib.

 Xezerxeber.az-ın Türkiyə mediasına istinadən xəbərinə görə, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.

Zəlzələ nəticəsində azı 440 nəfər xəsarət alıb. Qeyd edilib ki, bu, son 10 ilin ən güclü zəlzələsi olub.

08:29

Bazar ertəsi Türkiyənin cənub-şərqində baş verən 7,4 bal gücündə zəlzələ nəticəsində azı 51 nəfər ölüb.

Xezerxeber.az-ın Türkiyə mediasına istinadən xəbərinə görə, bunu təbii fəlakətdən zərər çəkmiş Diyarbəkir, Malatya, Osmaniye və Şanlıurfa əyalətlərinin valilərinin məlumatları sübut edir.

Təkcə Diyarbəkirdə 7 bina çöküb. Nəticədə 6 nəfər ölüb, 79 yaralı var. 12 nəfər dağıntılar altından çıxarılıb.