Bakının Mikayıl Müşfiq küçəsində hərəkət məhdudlaşdırılacaq

İyulun 6-sı saat 07:00-dan iyulun 7-si saat 22:00-dək Bakı şəhərinin Yasamal rayonu, Mikayıl Müşfiq küçəsində (Parlament prospektindən Mətbuat prospektinədək) aparılan təmir işləri ilə əlaqədar hımin yolda avtonəqliyyat vasitələrinin hərəkəti tam məhdudlaşdırılacaq.

Xezerxeber.az xəbər verir ki, bu barədə Azərbaycan Avtomobil Yolları Dövlət Agentliyindən bildirilib.

Sürücülərdən aparılan işlərə anlayışla yanaşmaları, qeyd olunan müddət ərzində hərəkət istiqamətlərinə uyğun alternativ yollardan istifadə etmələri xahiş olunur.