Ali məktəblərə əlavə yerləşdirmənin nəticələri bu tarixdə açıqlanacaq

Ali təhsil müəssisələrinin boş qalan (vakant) plan yerlərinə ixtisas seçimi sentyabrın 9-da yekunlaşsa da, nəticələr hələ ki açıqlanmayıb.

Boş qalan yerlərə ixtisas seçimi sentyabrın 4-dən 9-dək internet vasitəsilə aparılıb. Abituriyentlər elektron ərizədə ali təhsil müəssisələrinin boş qalan plan yerlərinin ixtisasları ilə yanaşı, kolleclərin  ixtisaslarının da kodlarını göstərə biliblər.
 

Bəs boş yerlərə seçinin nəticələri nə zaman açıqlanacaq?

Dövlət İmtahan Mərkəzindən Modern.az-a bildirilib ki, ixtisas seçiminin nəticələri adətən 2-3 gün ərzində açıqlanır. Əgər ixtisas seçimi sentyabırn 9-da yekunlaşıbsa, bu o deməkdir ki, nəticələr bu gün – sabah elan olunacaq.

DİM-in məlumatına görə, bu il ali məktəblərə ilkin yerləşdirmədə 51941 nəfər (o cümlədən 6592 subbakalavr) tələbə adı qazanıb. 24594 (o cümlədən 1389 subbakalavr) nəfər dövlət sifarişi əsasında, 27347 (o cümlədən 5203 subbakalavr) nəfər isə ödənişli əsaslarla təhsil almaq hüququ əldə edib. Ali təhsil müəssisələrinin qəbul planı 93.94% dolub. 

Plan yerləri ən çox II ixtisas qrupunda dolub (98.35%).

III qrupda plan yerləri 93.74%, IV qrupda 94.36% və ə V qrupda 91.19% dolub.

İlk mərhələdən sonra I ixtisas qrupu üzrə 1557, II ixtisas qrupu üzrə 217, III ixtisas qrupu üzrə 994, IV ixtisas qrupu üzrə 231, V ixtisas qrupu üzrə isə 350 plan yeri boş qalıb.