Bakıda 17 yaşlı qızın zorla ərə verilməsinin qarşısı alınıb

Bakıda 17 yaşlı qızın zorla ərə verilməsi ilə bağlı sosial şəbəkələrdə yayılan iddialar təsdiqini tapıb.

Xezerxeber.az-ın məlumatına görə, bu barədə Daxili İşlər Nazirliyinin (DİN) mətbuat xidmətinin şöbə rəisi polis mayoru Elşad Hacıyev yerli mediaya xəbər verib.

O bildirib ki, iddialar nəzarətə götürülməklə araşdırılıb: "Məcburi olaraq öz qohumu ilə ailə qurmağa vadar edilən A.A. polis əməkdaşları tərəfindən müvafiq sığınacağa yerləşdirilib. Qarşı tərəf dəvət olunub, dinlənilib, izahatları alınıb. Araşdırmalar davam etdirilir".