Xəzər Xəbər

Bakı səfərindən saatlar əvvəl Ərdoğandan KRİTİK AÇIQLAMALAR: "Əlimizdə sübutlar var" - VİDEO

Veb TV | 11:28 • 25 Fevral 2020
Bakı səfərindən saatlar əvvəl

"Azərbaycandakı sərmayələrimiz 11 milyard dollara çatıb. Bu rəqəmin ilin sonuna qədər 20 milyarda çatmasını düşünürük. Azərbaycanla ticarət həcmimiz isə 4,4 milyard dollara çatıb. 2023-cü ilə qədər ticarəti 15 milyarda çatdırmağı hədəfləyirik”.

Bunu Türkiyə Prezidenti Rəcəb Tayyib Ərdoğan Azərbaycana səfərindən öncə Ankaranın Əsənboğa Hava Limanında jurnalistlərə açıqlamasında deyib.

Prezident media nümayəndələrinin müxtəlif mövzularda verdiyi suallarını cavablandırıb.

İdlib üçün yol xəritəsi

"Hazırda Türkiyə-Rusiya arasında İdlib və Liviya ilə bağlı davam edən proses var. Rusiya rejim qüvvələrinə ən ali səviyyədə dəstəyini verir. Bunun dəlilləri əlimizdə var. Biz bu mübarizənin içində olmağa məcbur deyilik, məhkumuq. Hazırda 3 milyon insan sərhədimizə doğru irəlilləyib. Əli-qolu bağlımı dayanacağıq? 3,5-4 milyon suriyalı ölkəmizdədir. Mən bunları Putinə də dedim”.

Dördlü zirvə

"Rusiyadan heyət sabah gələcək. Makron, Merkel və Putin arasında tam ittifaq müzakirə mövzusu belə deyil. Putin ilə burada müəyyən etdiyimiz tarix 5 martdır. Biz telefondan çıxıb üz-üzə görüşlər edəcəyik”.

Xəbər lenti