Bakı şəhər Xəzər rayonunda dəniz sahilindən gənc qızın meyitinin tapılması hadisəsi ilə bağlı cinayət işi açılıb.
XəzərXəbər-in məlumatına görə, Mərdəkan qəsəbəsində yerləşən "Tropikanka” istirahət mərkəzinin dəniz sahili ərazisindən 25-30 yaşlı qadının meyitinin aşkarlanması hadisəsi ilə bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə iş başlanılıb.
Hazırda ölən şəxsin kimliyi dəqiqləşdirilir. İlkin araşdırmalar zamanı onun üzərində hər hansı xəsarət aşkarlanmayıb.
Faktla bağlı Xəzər rayon Prokurorluğunda araşdırma aparılır.