Xəzər Xəbər

Vətəndaşlar yeni tikilən binadan ikinci əl ev almır - SƏBƏB ÇOX MARAQLIDIR - VİDEO

Veb TV | 18:28 • 17 Fevral 2019
Vətəndaşlar yeni tikilən binadan ikinci əl ev almır -

Yeni tikili binalardan ev alan şəxs bir müddət sonra onu satmaqda çətinlik çəkir.

Çünki müqavilə ilə aldığı evi başqa şəxsə satarkən mənzilin müqaviləsini həmin şəxsin adına keçirə bilmir. Səbəb həmin binanı tikən ''MTK''-nın müqaviləni başqasının adına keçirərəkən külli miqdarda pul tələb etməsidir. Əmlak ekspertləri bildirilər ki, elə tikinti şirkətləri var ki, ev alan vətəndaşdan hətta müqavilə sənədi üçün 10 min manata qədər pul istəyir.

Ekspertlər bildirir ki, başqasına satılan ev üçün bağlanan müqavilə sənədi üçün tələb edilən məbləğ şəhərin ərazisinə görə dəyişir. Şəhər mərkəzində Səbail, Nəsimi, Nərimanov rayonlarında 5-6 hətta 10 min manata yaxın, Yasamal, Binəqədi, Xətai, Suraxanı və Sabunçu rauyonlarında 4-5 min manat, bir az kənarda Xırdalan şəhəri və Masazır qəsəbəsində isəmaksimum 2 min manat istəyirlər.

Hüquqşünas Xəyal Bəşirov deyir ki, tikinti şirkətinin evini başqasına satan şəxsin müştərisindən müqavilə üçün pul tələb etməsi qanunsuzdur. Bununla bağlı illər əvvəl ev satdığı vətəndaşla da bağladığı müqavilədə bu bənd yazılmır.

Ekspertin sözlərinə görə, tikinti şirkətləri arasında bu tendensiya geniş yayıldığından vətəndaşlar yeni tikilən binalardan ikinci əl ev almırlar. Heç bir hüquqi əsası olmadan müqavilə sənədi üçün külli miqdarda pul tələbi əmlak bazarına da təsir edir.

Hüquqşünas vətəndaşlara müqavilə üçün pul tələb edən şirkətlərdən aidiyyatı qrumlara şikayət etmələrini tövsiyyə edir.

Xəbər lenti