Xəzər Xəbər

“Kral” şadlıq evi elektrik enerjisini talan edirmiş - FOTO

İqtisadiyyat | 11:56 • 15 Yanvar 2019
“Kral” şadlıq evi elektrik enerjisini talan edirmiş -

"Azərişıq” ASC-nin əməkdaşları Nərimanov rayonu ərazisində yerləşən "Kral” şadlıq evində "Elektrik Enerjisindən istifadə Qaydaları”na uyğun baxış keçiriblər.


"Azərişıq”dan xezerxeber.az-a verilən məlumata görə, baxış zamanı məlum olub ki, şadlıq evini qidalandıran 6 kV-luq kabel xətti binanın zirzəmisinə daxil olur və sayğacdan əvvəl xüsusi quraşdırılmış sxem vasitəsilə sayğacdan kənar 3 ədəd 160 kVa gücündə transformator qoşularaq elektrik enerjisi talan edilib.


Hazırda "Kral” şadlıq evinin elektrik enerjisi təchizatı tam dayandırılıb.



"Azərişıq” ASC bir daha xəbərdarlıq edir ki, istehlakçıların şəbəkəyə özbaşına qoşulması elektrik enerjisinin talanması və elektrik enerjisindən qanunsuz istifadə sayıldığından, belə hallara yol vermiş abonentlər barəsində Azərbaycan Respublikasının müvafiq qanunvericiliyinə uyğun olaraq ciddi tədbirlər görüləcək.


"Azərişıq” ASC əməkdaşları mütəmadi olaraq "Elektrik Enerjisindən istifadə Qaydaları”na uyğun yoxlamalarını davam etdirirlər.

Xəbər lenti