“Squşonka” alarkən diqqətli olun - FOTOFAKT

"Bu dəfə çoxumuzun xoşladığı qatılaşdırılmış süd, öyrəşdiyimiz dildə desək squşonkalar barədə xəbərdar etmək istəyirəm. Çoxlarınız üçün yəqin gözlənilməz olacaq. Marketinq bizi necə çaşdırır qatılaşdırılmış süd adı altında? Çox sadə. Qulağımız axı öyrəşib squşonka sözünə. Ona görə də bankanın üstündə o yazını görəndə düşünmədən alıb istifadə edirik. Elə problem də burdadır əslində”.

BakiPost.az xəbər verir ki, bu sözləri Feysbuk istifadəçisi Şamxal Məhərrəmov yazıb. Onun sözlərinə görə, normal "squşonka”larda "Squşonka" sözü olmamalıdır: ""Squşonka” tamamilə başqa tərkibdən ibarət olur - palma yağları, süd yağı əvəzləyicisi, quru süd, naməlum mənşəli digər yağlar, müxtəlif konservantlar və s. Sizə lazım olan normal məhsulun üzərində isə mütləq şəkildə "Цельное Молоко" (Tam yağlı süd) ifadəsi olmalıdır.

Bu müxtəlif variasiyalarda ("Цельное сгущенное молоко с сахаром", "Молоко цельное сгущенное" və s.) ola bilər. Əsas bu 2 sözə diqqət edin.

Digər məqam, bankanın arxasındakı tərkibə diqqət edin. Burada isə sadəcə şəkər və inək südü, bəzi hallarda əlavə olaraq su da ola bilər. Başqa heç nə. İstənilən digər element varsa artıq normal məhsul olmadığına şübhələnmək lazımdır”.

Ş.Məhərrəmli qeyd edib ki, əslində istehsalçılar hər şeyi olduğu kimi yazırlar, yəni birbaşa yalan vəya fırıldaq yoxdur:"Mövzu hər hansı brendi və ya şirkəti pisləmək, antireklam etmək deyil.

Sadəcə bir qədər diqqətli olmaq lazımdır ki, bəzi kiçik yazıları və ya çatışmayan yazıları nəzərdən qaçırmayasız. Bəzi rast gəldiyim əsl olmayan və çoxunuzun bəlkə də bəh-bəhlə yediyiniz squşonka nümunələrini şəkillərə əlavə edirəm”.

Həmin fotoları təqdim edirik: