"Bloomberg" analitik agentliyi tərəfindən keçirilmiş sorğunun nəticəsinə görə, simsiz kommunikasiyalar sahəsində çalışan ekspertlərin əksəriyyəti "Wi-Fi" şəbəkəsinə ictimai giriş dövrünün sona yaxınlaşdığını düşünürlər.
XəzərXəbər-in ICTnews-a istinadən verdiyi
məlumata görə, açıq statistik məlumatlardan məlum olduğu kimi, indi
mobil cihaz istifadəçilərinin 50%-i ictimai "Wi-Fi" hot-spotlarından
istifadə edirlər. Ancaq ekspertlər əmindirlər ki, artıq yaxın gələcəkdə
ictimai "Wi-Fi" nöqtələrindən istifadə edənlərin sayı 33% azalacaq.
Bu, yüksəksürətli mobil giriş, məsələn,
"LTE" texnologiyasının populyarlaşması ilə izah edilir. Bundan başqa,
mobil operatorlar tərəfindən limitsiz trafikə malik tarif planlarının
istifadəyə verilməsi "Wi-Fi" dövrünün sonunu gətirəcək.
Həmçinin "LTE-Unlicensed" texnologiyası
"Wi-Fi"-ı sıxışdıracaq. 2020-ci ilədək "LTE-U" standartının giriş
nöqtələrinin sayı milyondan çox olacaq.