Sergey Markov: Ağdamın azad edilməsi Azərbaycanın nəhəng siyasi qələbəsidir

Ağdam rayonunun işğaldan azad edilməsi Azərbaycanın nəhəng siyasi qələbəsidir.

XəzərXəbər bildirir ki, bunu Trend-ə rusiyalı politoloq Sergey Markov deyib.

O bildirib ki, Azərbayan ordusu Ağdama daxil olub və tezliklə azərbaycanlı qaçqınlar oraya qayıdacaq:

"Bu, Azərbaycanın nəhəng siyasi qələbəsidir . Ölkənin ən vacib, ən məşhur şəhəri qan tökülmədən, hər hansı bir itki verilmədən alınıb"

Politoloq əlavə edib ki, bu siyasi qələbə Azərbaycanın hərbi qələbələrinin nəticəsidir:

"Rusiya KTMT-nin üzvü olsa da, Ermənistanın tərəfini tutmadı və neytral mövqedə qaldı".