Dünyanın ən bahalı daşınmaz əmlak bazarı olan şəhərlərin reytinqi - TOP-10

Daşınmaz əmlak sahəsində fəaliyyət göstərən CBRE investisiya şirkətinin mütəxəssisləri dünyanın ən böyük şəhərlərinin daşınmaz əmlakın orta qiymətinə görə reytinq ("Global Living Report 2020”) dərc edib.

"APA-Economics”in CBRE-yə istinadən verdiyi məlumata görə, ümumiyyətlə, tədqiqatda 39 şəhər iştirak edib. Reytinqin ilk pilləsində Honkonq (daşınmaz əmlakın orta qiyməti – 1 254 442 ABŞ dolları), sonuncu pilləsində isə Mərakeşin Kasablanka şəhəri (57 292 dollar) qərarlaşıb.

Qeyd edək ki, postsovet ölkələrindən siyahıda yalnız Moskva şəhəri yer alıb. Reytinqin 27-ci pilləsində qərarlaşan Rusiya paytaxtında daşınmaz əmlakın orta qiyməti 294 680 dollar təşkil edib.