Xəzər Xəbər

May ayı üzrə 2,3 milyondan çox şəxsə sosial ödənişlər verildi

İqtisadiyyat | 12:59 • 3 İyun 2020
May ayı üzrə 2,3 milyondan çox şəxsə sosial ödənişlər verildi

Əmək və Əhalinin Sosial Müdafiəsi Nazirliyi (ƏƏSMN) yanında Dövlət Sosial Müdafiə Fondu tərəfindən may ayı üzrə ümumilikdə 2,3 milyondan çox şəxsə sosial təminat növləri üzrə ödənişlər həyata keçirilib.

Nazirlikdən verilən məlumata görə, həmin şəxslərdən 1 milyon 268 min nəfərə pensiya, 417 min nəfərə müavinət, 297 min nəfərə təqaüd ödənilib.

83 min ailə üzrə 350 min şəxsə isə ünvanlı sosial yardım ödənişi edilib.

May ayında sosial ödəniş alanların sayı ötən ilin ayı ilə müqayisədə 6,8 faiz və ya 148 min nəfər çox olub.

Ötən ay pensiya, müavinət, təqaüd və ünvanlı sosial yardımlarınmaliyyələşdirilməsinə ümumilikdə 474 milyon manat vəsait yönəldilib ki, bu da 2019-cu ilin müvafiq göstəricisinə nisbətən 24,8 faiz və ya 94 milyon manat çoxdur.

Xəbər lenti