Xəzər Xəbər

Kreditlərin gecikdirilməsinə görə cərimə faizi tutulmasın - Mərkəzi Bankdan tövsiyə

İqtisadiyyat | 11:52 • 25 Aprel 2020
 Kreditlərin gecikdirilməsinə görə cərimə faizi tutulmasın  -

Biznes və istehlak təyinatlı kreditlərin (əsas və ya faiz borcu) tam və ya qismən gecikdirilməsi halında sentyabrın 30-dək borcludan cərimə faizi, dəbbə pulu və digər ödənişlərin tutulmaması kredit təşkilatlarına tövsiyə ediləcək.

Xezerxeber.az xəbər verir ki, bu barədə Azərbaycan Mərkəzi Bankının məlumatında deyilir.

Bildirilir ki, bu zaman borcalanların kredit tarixçəsi pisləşdirilməyəcək. Bu müddət ərzində kredit təşkilatları tərəfindən əsas borc üzrə faizlərin hesablanması davam etdiriləcək və borcalanlar tərəfindən kredit təşkilatlarına ödənilməsi təmin edilməlidir.

Qeyd olunan tədbirlərin həyata keçirilməsinə şərait yaratmaq, biznes və əhaliyə maliyyə xidmətlərinin davamlılığını təmin etmək, kreditləşdirmə imkanlarının artırılması üçün banklara əvvəlki dövrlərdə toplanmış dayanıqlılıq yastığından istifadə etməyə imkan yaradılması məqsədilə requlyativ yükün azaldılması istiqamətində tədbirlər nəzərdə tutulur.

Xəbər lenti