ARDNF ötən il valyuta satışını artırıb

Ötən il Azərbaycan Respublikası Dövlət Neft Fondu (ARDNF) tərəfindən 6 593,86 mln. ABŞ dolları məbləğində valyuta satılıb.

"APA-Economics"in Fondun dərc etdiyi göstəricilər əsasında apardığı hesablamalara görə, bu göstərici 2018-ci il ilə müqayisədə 133,46 mln. dollar və ya 2,1% çoxdur.

Qeyd edək ki, ARDNF tərəfindən 2019-cu ilin dekabr ayı ərzində 886,35 mln. ABŞ dolları məbləğində vəsait satılıb. Ötən ilin noyabr ayı ilə müqayisədə ötən ay Fond tərəfindən satılan valyutanın həcmi 64% çoxdur.