"Bakı Metropoliteni" 6 yeni vaqon alacaq

Bakı Metropoliteni cari ildə "81-765" tipli, "Metrovaqonmaş" istehsalı olan 6 vaqon alacaq.

Bunu jurnalistlərə açıqlamasında QSC-nin vaqonların əsaslı təmiri xidmətini rəisi Kamran İsmayılov deyib.

Onun sözlərinə görə, istismarını başa vurmuş 6 vaqon xətdən kənarlaşıdırılacaq.

"Ümumiyyətlə, qatarların istimar müddəti 31 ildir. İstismarını başa vurmuş 81-714/717 tipli 6 vaqon xətdən uzaqlaşdırılaraq, əvəzində bu il 81-765 tipli," Metrovaqonmaş" istehsalı olan 6 vaqon alınacaq. Bu vaqonların istehsalında ən aparıcı sistemlər tətbiq olunub”.