Xəzər Xəbər

Azərbaycan ötən il Ukraynadan 20 min tondan artıq quş əti idxal edib

İqtisadiyyat | 13:38 • 16 Fevral 2019
Azərbaycan ötən il Ukraynadan 20 min tondan artıq quş əti idxal edib

2018-ci ildə Azərbaycan Ukraynadan 20 069 ton quş əti idxal edib.


"Report” Ukrayna mətbuatına istinadən xəbər verir ki, bunu ölkənin "Aqrar İqtisadiyyat İnstitutu” Milli Elmi Mərkəzinin direktor müavini Nikolay Puqaçyov bildirib.


"Bu, Ukraynanın ümumi quş əti ixracının 6,1%-nə bərabərdir", - deyə o, qeyd edib.


2018-ci ildə Ukrayna rekord həcmdə - 646 mln. ABŞ dolları dəyərində 329 min ton quş əti ixrac edib. Bu isə 2017-ci ilə nisbətən 21,6% çoxdur.


Ötən il Ukraynadan ən çox quş əti idxal edən ölkə Niderland olub. Bu ölkəyə ixrac ümumi ixracın 17,9%-ni təşkil edib. Bundan başqa, Ukrayna Slovakiya (9,3%), Sədiyyə Ərəbistanı (9%), Belarus (8,4%), İraq (7%) və Almaniyaya (5%) quş əti ixrac edib.

Xəbər lenti