Beynəlxalq Valyuta Fondu (IMF) bu il və 2020-ci il üzrə qlobal iqtisadi artım proqnozunu aşağı salıb.
AZƏRTAC IMF-yə istinadla xəbər verir ki, fond qlobal iqtisadi artım proqnozunu illər üzrə müvafiq olaraq 0,2 faiz və 0,1 faiz azaldıb. IMF 2019-cu ildə qlobal iqtisadi artımın 3,5 faiz, 2020-cu ildə isə 3,6 faiz olacağını gözləyir. Beləliklə fond qlobal iqtisadi artım proqnozunu son 3 ilin minimumuna endirib.