Xəzər Xəbər

Ölkə üzrə pambıq tədarükü 215 min tonu ötüb

İqtisadiyyat | 16:16 • 27 Noyabr 2018
Ölkə üzrə pambıq tədarükü 215 min tonu ötüb

Ölkə üzrə pambıq tədarükündə Saatlı (28 min 391 ton), Bərdə (23 min 571 ton), Ağcabədi (21 min 952 ton), Biləsuvar (20 min 563 ton) və Beyləqan (20 min 285 ton) rayonları irəlidədir. Noyabrın 27-nə olan məlumata görə, pambıq qəbulu məntəqələrinə 216 min 403 ton məhsul təhvil verilib. Pambıq yığımı davam edir.

Dövlət Statistika Komitəsindən xezerxeber.az-a bildiriblər ki, ötən ilin eyni dövrü ilə müqayisədə 13,1 faiz çox pambıq tədarük olunub.

Qeyd edək ki, dövlət emal müəssisələrinə təhvil verilmiş pambığın hər kiloqramına görə fermerə 10 qəpik subsidiya verir. Həmçinin pambıq əkən fermerlərin məhsul istehsalına həvəsləndirilməsi və onların maddi rifahının daha da yüksəldilməsi məqsədilə pambığın növlər üzrə mövcud alış qiymətləri hər tona 50 manat olmaqla, 2018-ci ilin məhsulu üçün 1-ci növün qiyməti 600-dən 650 manata, 2-ci növün 580-dən 630 manata, 3-cü növün 540-dan 590 manata, 4-cü növün 500-dən 550 manatadək artırılıb.

Rubrikanın digər xəbərləri

Xəbər lenti